Abdi Përgjegja – Hatër mbetje!

0
26

Fëmijët e mi prej letre,
sapo lindin flasin me vargje.
Më vret që kanë një hatër mbetje,
pse vetëm njërin mbaj në çantë.

Të çuditshëm fëmijët prej letre,
edhe në shtëpi flasin me vargje.
Nuk ngjajnë fort me njëri tjetrin,
po kanë të njëjtën adn në përmbajtje.

Dobësi kam djalin prej letre,
ndoshta pse është fëmija i parë !
Ai që në lindje ju vërshëllente yjeve,
nuk më ka sjell asnjë zarar.

Sigurisht dhe vajzat i dua,
ato janë poezia e vërtetë.
Ndoshta ndodh kjo me mua,
sepse vajzat i kam në realitet.

   Miku Artit 

Golem.30.06.2022

Burimi/Facebook/Autori