JETO SI NJERI

0
93

Një herë jetohet
Lum kush jeton mirë
Por jeta helmohet
Kur të vjen e nxirë

S’duhet investim
Me falë dashuri
Zoti t’jep gjykim
Sillu si njeri

Më mirë fukara
E me pas shëndet
Kurr’ nuk ke sefa
Kur smundja troket

Parja s’është asgjë
Nuk ka asnjë vlerë
Kur jetë nuk ke më
Dhe shkon në humner

Mund t’kesh pasurinë
Por s’ke karakterin
S’e blen lumturinë
Shëndetin as nderin

Mund të blesh poziten
Mund t’ja dish sekretin
Por s’e blen meriten
Nuk e blen respektin

Mund të blesh ilaçe
Por s’e blen shëndetin
Mund t’pagush haraçe
Mund të blesh dhe mbretin

Mund të blesh një femër
Si lule në maj
Mund të blesh një zemër
S’blen dashnin’ e saj

Ti mund të blesh gjakun
Por s’e blen dot jeten
Mund të japësh hakun
Por kurr’ s’e blen veten.

Ramazan Çeka