Në fakt një urim duhet …

0
193

Kur zgjidhen qeveritë e reja , janë të gjithë , qe mbushin faqet e tyre ne facebook , me urimet më të përzemërta , për ato që janë vënë në krye të shtetit . Vite më parë kur erdhën në pushtet Komandanët , Hashim Thaci dhe Ramush Haradinaj , ishin mbushur cdo ditë gazetat , me urimet më të zjarrta , per ardhjen në krye të shtetit të njerzve të luftes .

E njëjta gjë ka ndollur edhe në Iliridë me Ali Ahmetin, por edhe në Shqipëri me Sali Berishën . Rapsodët janë të parët që ja fillojnë e i rrahin telat e sharkive e të ciftelive , për tu kënduar këngë idhujve të tyre , që erdhin , në krye të shtetit . Kështu është bëre me Saliun , me Thacin dhe me Ramushin, Aliun .

Êshte mbushur Youtube me këngët e tyre , por që tani kanë mbetur aty dhe pak kush kujtohet ti kërkoje , por vec ndoshta familjarët dhe simpatizantët e tyre , ashtu në heshtje varri i dëgjojnë, biles vënë edhe kufjet në vesh se u druhen edhe familjarve të tyre, se mos i dëgjojnë .

Por cfarë ti bësh i ka kurva politikë këto punë dhe duhet pranuar . Por e njëta gjë ndolli edhe me liderin më të ri Albin Kurtin. Kanë filluar kënget , menjëherë, pasi kaloi pak kohë që gjuajtën me “Molotov” , po atë vend që sot , z. Albin , mori detyren si Kryeministër, po cdo të kishte ndollë , sikur ndërtesa të ishte shembur , nga bombat molotov ? Por dhe kur makinat e qeveritarve u dogjën nga VV , por shqiptarët harrojnë shpejt dhe Albini , “hyri në dush u la dhe doli i pastër ” . Doli dhe cdo gjë u harrua , mori situaten në dore dhe u bë shumë të dashur me popullin dhe filluan të kërkojnë votën e popullit , sepse ata ishin e vetmja shpresë , per popullin dhe për Kosovën , ndaj duhej votuar , se ata do të ishin , herojtë e së ardhmes. Dhe populli filloi ti nderojë dhe ti respektojë .

Këngëtaret muarën sharkinë dhe ciftelitë dhe ja nisën kënges për liderin e ri , Albin Kurti. Bucitët radiot në diasporë “Erdhi dita” … por po të vijë nata si do ti bëhet pastaj . Mos e dhëntë Zoti , të dalë kënga pas disa muajve “erdhi nata”. Unë do tja kisha uruar , por fillimi po më duket pak i vështirë .

Paraqitja në Parlament ishte pak , jo mikpritëse , u përballe edhe me kërcenime, apo “marrje me të mire” , në gjuhen e popullit . Në fakt disa e quajtën Albinin , shpëtimin e Kosovës . Por fjalimi i Albinit , nuk ishte ai që pritej, por ndoshta e ka harruar , fjalimin e vërtetë në shtëpi dhe e ka shkruar një tjeter për shpejt , pak para se të dilte ne foltore, sepse fjala Bashkim i kombit , nuk ishte fare , askund, por ai donte mirëkuptim me Serbinë edhe pse Serbia nuk ka kerkuar falje as edhe një herë të vetme , para popullit të Kosovës , përpara atyre Nënave që qajnë tash njëzet vite bijtë e tyre të pagjetur !

Por kështu është kur nuk të djeg zemra jote, se për zemren e tjetrit nuk ja ndjen askuj . Unë shpresoj që të ecën përpara qeveria e re e Albin Kurtit , por që në start , ka filluar të harrojë fjalët e tija në fushata e në takimet me popullin dhe me individë të ndryshë, duke u premtuar shumë, por një shprehje popullore thotë : – “Rrjej se rritesh ” . Kjo shprehje i ka shoqëruar të gjithë politikanët , në të dy krahët e kufirit , tash 30 vite , por aq u bët, ka rëndesi të fitojnë për vete , se kuj ja ndjen për popullin dhe familjet e atyre që dhanë bijtë e tyre për këto ditë që jetojnë shqiptarët .

Dua të besoj që Albini , do ti dalë zot vendit të tij , ashtu si i ka hije , por kjo do të shihet gjatë vitit në vazhdim …

Urime duhet ti thuhet gjithkuj që ndrihet në detyrë, ndaj edhe Ju Albim, po te them urime , por dhe qeverisë së re !

Për luigjipress – Luigj Shkodrani