NJË RRUGË NË SHKODËR MERR EMRIN E GJOSHO VASISË

0
19

Nga Ketjola Gështenja:

Gjosho Vasija është artisti i njohur i humorit shkodran emrin e të cilit do të mbajë nga sot një rrugë në qytetin e Shkodrës. Këshilli Bashkiak i Shkodrës miratoi pak kohë më parë emërtimin e rrugës në afërsi të katedrales “Shën Shtjefni” me emirin e aktorit të humorit. Angjela Vasija, vajza e Gjosho Vasisë shprehet e emocionuar për vlerësimin që i është bërë babait të saj.

Vajza e Gjosho Vasisë tregon se akoma nuk ka vendosur nëse fondin me veprat e babait të saj do t’ia dhurojë ndonjë muzeu duke ngritur disa dyshime të sajat.

Harta e vjetër e Shkodrës që mban ndër vite Ëngjëll Çeka ndihmoi në vërtetimin se kjo rrugë vite më parë mbante emrin Vasija, familja në të cilin lindi humoristi shkodran.

Gjosho Vasija lindi, në qytetin e Shkodrës më 28 tetor 1931 dhe u nda nga jeta në moshën 84-vjeçare, më 22 nëntor 2013 në Trieste të Italisë. Artist i njohur i humorit shkodran është shquar për bejtet, paroditë dhe kompozimet e tij humoristike e satirike, të cilat i këndote me kitarë.

Burimi/Shkoder.info