PËR HERË TË PARË NË 30 VJET REGJIMI KËRKON T’JU FUSIË NË BURG NËSE SHANI EDI RAMËN NË FB NGA DHOMA E JUAJ E GJUMIT!

0
98

Nga avokati Altin Goxhaj

[Arnold Gordani, autori i videos së 17 Majit tek JOQ Albania, që shpërtheu në urrejtje ditën e zezë që u shemb Teatri akuzohet me 3 vjet burg për ato që tha në dhomën e tij të gjumit kundër diktaturës njësoj si në kohën e komunizmit që të fusnin në burg me Nenin 55 “për agjitacion dhe propagandë” të Kodit Penal të Enver Hoxhës, po të shaje Partinë në dhomën e gjumit)

Ndodhi sot. Për herë të parë në 30 vjet. Qeveria tashmë të fut deri në 3 vjet burg ns bën video live nga dhoma jote e gjumit dhe shan Edi Ramën dhe Qeverinë apo klasën politike.

@Arnold Gordani, 23 vjeç, me asnjë parti, qytetar i lirë, zgjua në mëngjes në dt 17 Maj 2020 dhe pa në facebook që ishte shembur Teatri Kombëtar dhe ashtu me nerva çohet nga krevati, hapi celularin në profilin e tij dhe shpërtheu me urrejtje si të gjithë shqiptarët atë ditë kundër Diktaturës.

Sot Prokuroria mbylli hetimet dhe e akuzon Arnoldin se me videon personale në profilin personal në Facebook, paskërka dashur të shembëkërka Rendin Kushtetues me dhunë nga celulari i tij personal nga dhoma e tij e gjumit.

E kuptoni çmëndurinë e Kapterr Ramiut? Ku kanë arrit? Këta që grabisin dhe vjedhin çdo ditë, paratë, jetën, shpresën dhe gjakun tonë, këta që shembën pa ligj e kushtetute Teatrin si hajdutët natën, kërkojnë t’ju fusin në burg deri në 3 vjet nëse guxoni që të bëni video kundër Ramës nga dhoma e juaj e gjumit!

Këta të rrahin dhe s’të lënë as të qash!

Në fakt çmënduria nuk është edhe aq marrëzi e nervave të EDvErit.
Dje Rilindja mbylli faqen më të madhe të shqiptarëve në facebook me mbi 2 milionë shqiptarë: JOQ Albania, e cila e kishte publikuar videon e Arnoldit në 17 Maj.

Prokuroria dhe policia e shantazhuan Arnoldin që të pranonte kundrejt gjobës dhe jo burgut “fajin” e absurditetit të Nenit 223 të Kodit Penal: “Thirrjet publike për veprime të dhunshme”
“Thirrjet e bëra publikisht për të kryer vepra të dhunshme kundër rendit kushtetues, dënohen me gjobë ose me burgim gjer në tre vjet.”
me qëllim që të implikonin edhe Portalin JOQ Albania për të njëjtin nen si pjesë e urdhërave të Kapterr Ramiut për mbylljen e zërit të JOQ Albania.

Por Arnoldi, një djalë Trim, Patriot dhe i Mënçur, i refuzoi me përbuzje pazaret me Ramën dhe sejmenët e tij në Prokurori (që nga prokurori i partisë Artan Lulaj dhe OPGJja i FRESSHit Alban Rama) mgjths i shantazhuan familjen duke i frikësuar se djali i tyre do të kalbej në burg për një video me sharje për Ramën nga dhoma e gjumit.

Sot Prokuroria dhe Policia kujtuan se kapën peshk, në fakt peshkatarët jemi ne që kemi kapur peshqit e Prokurorisë, Policisë dhe Qeverisë, Partisë dhe gjithë bastardëve që shembën Teatrin në aktin më flagrant dhe më absurd në 30 vjet tranzicion 360 gradë për tu kthyer aty ku ishim pasi akuza e Prokurorisë është njësoj sikur në krye të Pushtetit të ishte Ramiz Alia he 223 i Kodit Penal po trajtohet njësoj si Neni 55 i Kodit Penal të Enver Hoxhës (“për agjitacion dhe propagandë”)!

Avokati Altin Goxhaj si në çdo rast, do të jetë në krah të Arnoldit me të cilin u njoh në qelitë e Komisariatit Nr 1 kur u arrestuan të dy në Protestën e 9 Majit në Sheshin Skënderbej 🙂

Ky do të jetë gjyqi më spektakolar i vitit 2021 ku në bankën e të akuzuarve do të jemi si akuzues të Diktaturës që shembi Teatrin, dhe përballë nesh në podin e akuzuesve do të jenë të akuzuarit e vërtetë që shembën Teatrin dhe kërkojnë të mbysin fjalën e lirë me Nenin 55 të Kodit të Penal të Enver Hoxhës për Agjitacion e Propagandë kundër Regjimit Komunist.

Burimi/Facebook