Petraq Pali – Mënçuria e gjyshe Kostandinës.

0
63

Një herë në një vaki në fshatin Tim, siç dihet zakonet dhe doket janë “ligje të vërteta” ndoshta të pa shkruara po të sakta, të pa tjetërsueshme.
Respektohet tej mase i vdekuri, sic respektohet hidhërimi i familjareve, që është dhe hidhërimi i një fshati. Për shumë ditë hyrjet e daljet e njerëzve që ngushëllojnë familjarët s’ka të pushuar.
Bile dhe vaktet e bukës në ato ditë zie, sipas zakonit nuk lihet i zoti i shtëpisë të gatuajë po e bëjnë me radhë nga të afërmit dhe miqtë për çdo ditë mbas vdekjes e çdo vakti buke.
Harmonia në kësi rastesh i kalon kufijtë e vëllazërisë dhe dashurisë sociale e shoqërore.
Ishte dita e tretë që e “zonja e shtëpisë” kish ndërruar jetë dhe atë ditë në dhomën e grave siç mblidhen në këto raste ishte plot e përplot .
Zonjat të tëra me rrobat e shamitë e zeza në kokë karakteristikë e veshjeve të krahinës sonë, ishin ulur në gjunjë mbi qilimat e kësi rasteve nëpër “postiqe” (jastëkë leshi që përdoren në vakira) !
Aty këtu vajticat qanin e ligjëronin me rradhë të zonjën e shtëpisë që kishte ikur në botën e përtejme në mes moshe, hidhërimi ishte i madh.
Hynin e delnin gratë gjat gjithë ditës, këpucët edhe opingat apo shollët (karakteristike e anëve tona) ishin zhveshur në kordidor me system e me rradhë si në simetri….
Mbas pak orësh hyn për të ngushëlluar një zonjë moshatare në atë kohë (…E cila ishte ironike dhe e hidhur në gojë )
Për çudi “plaka’ zevzeke vuri re se ndërmjet opingave shollëve, këpucëve të zonjave që ishin brënda në dhomën e vakisë, ishin një palë opinga shumë të vogla si opinga fëmijësh,e djallëzuara për ironi ose për të thyer heshtjen e vajit,ndoshta dhe pa qëllim po për shaka, vendosi majën e shkopit dhe ngriti njërën opingë numur vogël lart duke ironizuar e tallur e sëkëlldisur të zonjën, pa ditur të kujt ishin.
_Ëëëëëëë Uaaaaa Ç’janë këto shollë o zonja uaaaa sa të një fëmijë, haaaaa e çfarë nr. janë ?
Gratë heshtën dhe “palo shakaja” nuk u pëlqeu asnjërës, në çast zonja e opingave të vogla e revoltuar i thotë plot autoritet me qesëndi e me fyerje….
_Lëri shollët aty tek vëndi se s’të ka hie as lezet palo shakaja në këtë ditë, pa e zonja e atyre shollëve është nëna e pesë djemve e e një vajze….
_Prandaj ulu e zë vend si të ka hie….!
Plaka ngacmuese dhe ironike ngeli si e dhier…
(Ajo ishte martuar dy herë dhe si kishte lindur barku fëmijë…asnjëherë)
Gratë vajtica që kishin ndaluar vajin, u befasuan nga mënçuria e të zonjës shollëve.
“Grinjarja” u kthye mbrapsh e fyer e turpëruar totalisht as u fut dot në odën e vakisë…
(Ngjarja është e ngjarë.)
Mblodhi : pJp

Burimi/Facebook