Ramazan Çeka – LUM PËR TY O SHKODRA IME

0
76

Lumi unë Shkodër për ty
Nadje heret dal n’dritare
Mrekullitë që shoh me sy
Ta bajnë qejfin pa pas pare

Ç’do ditë kafe pi me shokë
Me humor e barceleta
Kët’ k’naqsi s’e gjen kund n’botë
T’kndaqet zemra, t’shtohet jeta

Ndigjoj kangët e Bik Ndojës
Nailes e Shyq Alushit
Fjala mjalt të del prej gojës
Me humor Tano Banushit

Sa herë kangen k’ndon Bujari
Për ty Shkodër çoj nji gotë
Ndër kangtart gjithmon’ i pari
Zani ti ma i bukri n’botë

Sa të du moj Shkodra ime
Je qyteti ma i bukur
Je ma e mira n’zemren time
Ti na ban m’u ndi të lumtur

Ramazan Çeka

Burimi/Facebook