RUDI BERISHA – TRUPIN MA MBULONI ME FLAMURIN KUQ E ZI

0
53

Kur lisat janë shkundur nga erërat e forta
Lumenjtë kanë dal nga shtrati nga vërshimet
Kur luftëtarët duke luftuar kanë rënë dëshmorë
Ne serish kemi puthur flamurin kombëtar kuq e zi

Kur drita na është shuar nga padituri në jetë
Kur errësira ka pushtuar mbarë popullin shqiptar
Kur toka është kthyer në djerrina e mjerim
Ne prap kemi mbajtur në gji flamurin kuq e zi

Kur toka na është copëtuar nga armiqtë tanë
Kur dhimbje është kthyer në mall dhe trishtim
Kur nënat kanë pritur nga ushtria djalin e vdekur
Ne trupin e tyre e kemi mbuluar me flamur kuq e zi

Kur lufta morri jehonë e betejat u ashpërsuan
Në atë kohë flamuri valonte në maje të bjeshkëve
Në lëndina të bukura e ne tokën e Nënës Shqipëri
Sa bukur po qëndronte mbi shkrepa flamuri kuq e zi

Kur ëndrrat më shekuj m’i patën vra korbat e zi
Ne kurrë nuk jemi dorëzuar as ndalur në udhë
Kemi vazhduar ashtu të lodhur dhe të përgjakur
Vetëm ta ngritim flamurin kuq e zi mbi çdo kullë

Kur nëpër kohë padrejtësisht kemi qen të robëruar
Dashuria për flamurin na ka mbajtur gjallë e të fortë
Nëse dhimbjet e tona kthehen në lule e kurorë për liri
Trupin mua ma mbuloni më flamurin kombëtar kuq e zi

© RUDI BERISHA, 2021