S’ka më/ Shuhet Anastas Kritofori, ikona e teatrit dhe filmit shqiptar.

0
49

Është ndarë nga jeta në moshën 78-vjeçare aktori i njohur shqiptar Anastas Kristofori.

Kristofori ishte gjerësisht i njohur dhe do të mbahet mend gjatë për rolin e Perikliut në komedinë “Pallati 176”.
Lajmin e kanë konfirmuar miq e të afërm të aktorit që kanë postuar në rrjetet ngushëllimet për ndarjen nga jeta të tij.

Ceremonia e varrimit të ‘Artistit të Merituar’ do të kryhet nesër në Vuno.

Anastas Kristofori lindi ne fshatin Vuno, Vlore, më 28 nëntor 1943. Institutin e Larte te Arteve, dega e dramës, e mbaroi ne vitin 1970 dhe fill me pas u emerua aktor ne Teatrin Popullor* derisa doli ne pension me 2003. Spikati qysh student me rolin e Karandishevit ne dramen Vajza pa prike te N. Ostrovskit (1970). Dhuntite e tij për te karakterizuar figura origjinale, te shoqeruara nga nje sens humori, nga fjala konkrete si dhe nga ndjesia e vertetesise, i dhëne shansin për te qene aktor i parapelqyer ne shume nga shfaqjet e Teatrit Kombëtar, si Familja e peshkatarit (Vehipi),

Duke gdhire viti 45 (Jaku), Shenomeni dhe mua (fshatari), Komunistet, Nen dritat e skenes, Shkallet, etj. Nje nga rolet e njohura te tij ishte ai i drejtorit ne komedinë Pallati 176 e A. Balashit, i cili vijoi me tutje ne dy seri televizive te shkruara nga I. Bezhani, vazhdim i kësaj komedie, por tashme me fatin e ndryshuar te personazheve ne rrethanat qe u krijuan pas shembjes se diktaturës. Qesendia, ironia ndaj tjetrit, nga njera ane, dhe pezmi dhe dëshpërimi ndaj vetes dhe fatit, nga ana tjetër, u gërshetuan me nje ndjenje te holle humori, me dhënien pa sforco te komikes ne mishërim e këtij roli. Ne kinematografi ka luajtur 7 filma, prej tyre me i realizuari dhe me i ploti ishte roli i ekonomatit ne filmin Lulekuqe mbi mure (1976). A. Kristofori ishte nje nder recituesit pasionale e te suksesshëm te poezisë shqipe. Pas viteve 90 ka qene per nje kohe edhe drejtor i Teatrit Kombëtar. Mban titullin Artist i merituar.

Kristofori, i lindur në fshatin Vuno të Vlorës, do të prehet po aty, sipas njoftimit nga familja.

“Artisti i Merituar” e nisi karrierën e tij në vitin 1971, kur u emërua nga trupa profesionale e Teatrit Popullor, i njohur sot si Teatri Kombëtar.

Ai shkëlqeu si në teatër, ashtu edhe film, ku spikati fillimisht me rolin e tij të Stavrit, në filmin Lulëkuqet mbi mure.

Për sa i përket teatrit, përtej rolit të Perikliut tek “Pallati 176”, ai ka luajtur role me rëndësi në shfaqjet “Gjenerali i Ushtrisë së Vdekur”, “Prefekti”, “Viti 61” apo më vonë edhe në shfaqjen “Arturo Ui”.

Burimi/veritas.com.al/